Rusiya ilə edilən silah ticarətinə aid 200 milyon dollarlıq kredit müqaviləsi çərçivəsində, Ermənistan Rusiyadan silah satın alacaq.
Ermənistan Parlamenti tərəfindən keçən həftə təsdiq edilən Rusiya ilə silah ticarətinə aid 200 milyon dollarlıq kredit müqaviləsi çərçivəsində, Ermənistan Rusiyadan müdafiə və hücum silahları satın alacaq.
Ermənistan Müdafiə Nazirliyi nümayəndəsi Artsrun Hovhannisyan etdiyi açıqlamada, Rusiya ilə edilən silah ticarətinə aid 200 milyon dollarlıq kredit müqaviləsi çərçivəsində, Ermənistanın Rusiyadan müdafiə və hücum silahları alacağını bildirdi.
Hovhannisyan, satın alınacaq silahlar haqqında daha çox məlumat vermədi. Müdafiə nazirinin müavini Ara Nazaryan, parlament müzakirələri zamanı etdiyi çıxışda, sözü gedən kreditlə Ermənistanın Rusiyadan müasir silahlar alacağını söylədi.
Ermənistan Parlamenti, 2 İyulda etdiyi iclasda Rusiya ilə silah ticarətinə aid kredit razılaşmasını təsdiqləmişdi. Üç il müddətli güzəştləşdirilmiş şərtlər ilə veriləcək kreditlə Ermənistan 2015-2017-ci illərdə Rusiyadan silah satın alacaq.
Ermənistanın strateji müttəfiqi olan Rusiyanın, Cənubi Qafqazdakı ən böyük birliyi olan 102. Hərbi bazasında təxminən 3 min əsgər var.
Mətləb BALAKİŞİYEV
