 |
|
“O, çox istedadlı gənc futbolçudur. Mən onun oyunlarına baxanda özümü xatırlayıram. O, kifayət qədər sürətli oyunçudur və topla əla davranır. Reşfordun əla gələcəyi var”
Piasport.az-ın İngiltərənin “Sun Sport” nəşrinə istinadən verdiyi məlumata görə, bu fikirləri braziliyalı əfsanəvi hücumçu Ronaldo “Mançester Yunayted”in gənc futbolçusu Markus Reşford haqda səsləndirib. O, “qırmızı şeytanlar”ın yeni ulduzunun oyununu izləyərkən özünü xatırladığını bildirib. Braziliyalı əfsanə İngiltərə Premyer Liqasının ikinci dövrəsindən “qırmızı şeytanlar”ın heyətində çıxış edən Reşfordun oyunlarını təqdir edib. 9 oyuna 4 qola imza atan gənc hücumçunun mükəmməl karyerasının olacağını bildirən Ronaldo Roy Hocsonun onu İngiltərə millisinə dəvət edəcəyinə ümit etdiyini də bildirib.
Qeyd edək ki, “Mançester Yunayted” futbol məktəbinin yetirməsi olan Markus Reşford bu il Premyer Liqanın ikinci dövrəsindən komandasının heyətində debüt edib.
