İsraildə nəşr olunan Haaretz qəzeti, təxminən bir ildir dondurulan Türkiyə-İsrail danışıqlarının yenidən başladığını iddia etdi
Qəzet, Xarici İşlər Nazirliyi müşaviri Feridun Sinirlioğlu ilə İsrail Xarici İşlər Nazirliyi Baş Direktoru Dore Gold’un dünən gizlicə Romada bir araya gəldiyini önə sürdü. Haaretz’in diplomatiya müxbiri və köşə yazarı Barak Ravid’in imzasıyla nəşr olunan xəbərdə, İsrail Baş naziri Benjamin Netanyahuya yaxınlığıyla bilinən və qısa bir müddət əvvəl xarici işlər Ümumi Direktorluğuna gətirilən Gold, dünən çox dar bir ətraf mühitin məlumatı daxilində Romaya uçaraq Sinirlioğlu ilə görüşdüyü ifadə edildi.
Haaretz məlumatı verən və mövzunun həssaslığından ötəri adının gizli tutulmasını istəyən İsrail xarici işlər səlahiyyətlisi, gizli görüşün xüsusi bir gündəm olmadan reallaşdırıldığını ifadə etdi.
Qəzet, gizli görüşdən daha əvvəl Türkiyə ilə müzakirələri İsrail adına icra edən Milli Təhlükəsizlik müşaviri Yossi Cohen və Sinirlioğlu ilə son beş ildir aralıqsız ünsiyyət halında olan Baş nazir Netanyahunun xüsusi nümayəndəsi Cozef Ciechanoverı xəbərdar edilmədiyinə diqqət çəkdi.
Haaretz, İsrail hökumətinin mövzunu təkzibetdiyini ifadə edərkən, İsrail xarici işlər sözçüsü Emanuel Nachshonun da açıqlama etməməyi seçdiyini yazdı.
Qəzet ayrıca, gizli görüşün Türkiyədə edilən 7 İyun ümumi seçkilərinin dərhal ardından reallaşmasına diqqət çəkdi.
Mətləb BALAKİŞİYEV
