Gürcüstan Ordusunda xidmət edən müsəlmanlar ibadətlə məşğul ola biləcəklər.

Ən Son Xəbər-in məlumatına görə, Gürcüstan Ordusunda xidmət edən əsgər və zabitlər ibadətlə məşğul ola biləcəklər. Bunun üçün hərbi hissələrdə xüsusi otaqlar tikilib.

Gürcüstanın müdafiə naziri Tinatin Xidaşeli və Gürcüstan Müsəlmanları İdarəsinin müftisi Bekler Kamaşidze Gürcüstan Silahlı Qüvvələrinin III briqadasının ərazisində ibadət yerlərinin açılışını ediblər. Bildirilib ki, bu briqadada 103 nəfər müsəlman hərbi qulluqçu var.images (2)

Açılışdan sonra B.Kamaşidze müsəlman hərbi qulluqçular ilə birlikdə həmin otaqlarda digər ayinləri yerinə yetiriblər.

Tinatin Xidaşeli hərbçilərlə söhbətdə deyib ki, demokratik ölkədə dini etiqad azadlığının qorunub saxlanılması vacib amillərdən biridir. Bütün hərbi hissələrdə müsəlmanlar üçün ibadət yerləri inşa olunacaq. (azertag.az)