Brüssel hava limanına hücum edən terrorçulardan biri Nacima Laakrauinin qardaşı Murad Laakraui İsveçin Montre şəhərində keçirilən taekvondo üzrə Avropa çempionatında qızıl medal qazanıb. O 54 kiloqram çəki dərəcəsində finalda ispaniyalı Xesus Tortosa 6:3 hesabı ilə qalib gəlib.
Universiada-2015-in gümüş mükafatçısı, 21 yaşlı belçikalı bundan əvvəl 2016-cı ildə Rio-de-Janeyroda keçiriləcək Olimpiya oyunlarına da vəsiqə qazanıb.
Nacim Laakraui martın 22-də Brüssel hava limanına hücum edən iki terrorçudan biri olub.
Üçüncü terrorçu özünü Brüssel metrosunun qatarlarından birində partladıb. İki hücum zamanı ümumilikdə 32 nəfər ölüb, 300-dən çox adam müxtəlif dərəcəli xəsarətlər alıblar. Hücuma görə məsuliyyəti İraq-Şam İslam Dövləti terror qruplaşması üzərinə götürüb. (Modern.az)
