“Beynəlxalq nümayəndə heyəti gələndə ermənilər göz yaşı içində onlardan imdad diləyirlər”.

Hər hansı beynəlxalq nümayəndə heyəti Xankəndinə gələndə erməni tərəfi istisna deyil ki, məhz bu cür fırıldağa əl ataraq istifadəyə yararsız, “vurduqları” PUA-nın guya Azərbaycana məxsusluğunu iddia etməklə bədbəxt görkəm alaraq, göz yaşı içində onlardan imdad diləyirlər.

Erməni tərəfi bu cür yalan və əsassız məlumatları yaymaqla beynəlxalq təşkilatların nümayəndələrini, dünya ictimaiyyətini çaşdıraraq törətmək istədikləri təxribatlara zəmin yaratmaq məqsədi güdürlər.

Ötən gün axşam saatlarında işğal altındakı Xankəndində güclü partlayışlar baş verib. Bu barədə “RİANovosti” agnetliyi xəbər yayıb. Məlumata görə, ATƏT-in Minsk Qrupunun həmsədrlərinin Dağlıq Qarabağdakı qondarma rejimin rəhbərliyi ilə danışıqlar apardığı saatlarda şəhərdə bir-birinin ardınca bir neçə güclü partlayış baş verib.

“Həmsədrlərin qondarma “DQR prezidenti” Bako Saakyanla görüşünün keçirildiyi saatlarda şəhər bir-birinin ardınca baş verən partlayışlarla silkələnib”, – agentliyin Xankəndində olan müxbiri məlumat verib.

Bundan başqa, şəhərin kənarında pulemyot atışi səsləri eşidilib, işıqsaçan güllələr görünüb. Danışıqların nəticələrini gözləyən jurnalistlər baş verənləri lentə alıblar.

Lakin qondarma rejimin nümayəndələrindən şəhərdə nə baş verdiyi haqda məlumat almaq mümkün olmasa da, bu gün  “İnterfaks” agentliyi xəbər yayıb ki, rejimin güc strukturlarındakı mənbələr bildiriblər ki, Xankəndinin üzərində Azərbaycana aid pilotsuz kəşfiyyat təyyarəsinin vurub.

Mənbə bildirib ki, pilotsuz uçan aparat döyüş təyinatlı deyil, kəşfiyyat təyinatlı olub. O, yerdən Hava Hücumundan Müdafiə qüvvələri tərəfindən vurulub. Mənbə təsdiq edib ki, həmin saatlarda Xankəndində həmsədrlərin danışıqları gedirdi. “İnterfaks” Azərbaycanın Xankəndi üzərinə ilk dəfədir ki, pilotsuz təyyarə göndərdiyini də bildirib.