Rüstəm Behrudi Azərbaycan Yazıçılar Birliyinin (AYB) üzvlüyündən istefa verib.
Bu barədə Rüstəm Behrudi özü məlumat verib.
“Mən az qala 30 ilə yaxındir ki,əvvəllər SSRİ Yazıçılar İttifaqının, sonradan Azərbaycan Yazıçılar birliyinin üzvü oldum. Və bir Tanrı şahiddir ki, o təşkilatdan heç bir umaçağım olmadı. Ancaq indi baxıb görürəm ki, bu uzun illər ərzində ədəbiyyat tüccarlarına doğum günlərində mədhiyyə oxuyan YB-nin ədəbi orqanları bircə dəfə də olsun doğum günlərində adımı çəkməyib. Niyə? Görəsən şerləri Türk dünyasında dillər əzbəri olan bir şairə bu cür münasibət hardan qaynaqlanır? Bir quruca təbrikə nə deyirsiniz, əfəndilər?
YB üzv olmaq məsuliyyətindən özümü bu gündən qurtarmış hesab eləyirəm.
Hamıya sevği və sayğılarımla!
Rüstəm Behrudi”
