Qalatasaray transferdə sürpriz bir transfer etdi.
Xebername.info-nun xəbərinə görə, sarı-qırmızılı klub Real Madriddə yetişən və ötən mövsümü La Liqada “Deportivo La Coruna” forması ilə keçirən Jose Rodriguez Martinez ilə razılaşdı.
21 yaşındakı yarım müdafiəçi ilə 4 illik razılaşma əldə olundu. Oyunçunun çərşənbə gününə qədər tibbi müayinədən keçəcəyi gözlənilir. Joseni xüsusi bir müqavilə ilə təmənnasız olaraq heyətə qatıldığı iddia edilir.
Joseni xərci
Qalatasaray, Jose Rodriguez üçün Real Madridə transfer məbləği ödəməyəcək. 4 illik müqavilə imzalanacaq gənc oyunçuya ilk 2 il 650 min, ikinci 2 il isə 700 min avro ödənəcək. Jose Rodriguezin oyun başı ödənişi isə 15 min avro olacaq.
40% Realın!
Qalatasarayın Jose Rodriguez üçün Real Madrid ilə etdiyi razılaşmanın başqa bir detalı isə gənc oyunçunun sonrakı satışı ilə əlaqədardır. Əgər Qalatasaray, Jose Rodriguezin 10 milyon avro və ya artıq bir qiymətə başqa bir komandaya satarsa, Real Madrid bu satışdan 40% pay alacaq.
1.80 boyundakı Rodriguez, geridə qalan mövsüm Deportivo forması ilə 27 oyuna çıxmış və 2 qol vurub 1 də qol ötürməsi etmişdi.
Elnur ORUCLU
