“Bayram günü qara bazarda turistlərdən 100 dolları 140 manata alıb 159 manata satırdılar” – Vüqar Bayramov

Kanal13-də Kamran Mahmudovun qonağı olan iqtisadçı ekspert Vugar Bayramov bəzi qaranlıq məqamlara aydınlıq gətirdi: “Bayram günü qara bazarda turistlərdən 100 dolları 140 manata alıb 159 manata satırdılar. Bu Mərkəzi Bankın fəaliyyətinin nəticəsi idi .Bakıya gələn bu turistlər manatı olmasa banklar açılana qədər küçədə yatmalı idi? Bu qara bazar kifayət qədər böyük dövriyyəyə malikdir. Hətta qara bazarda banklar da valyuta yığımını həyata keçirdilər. İnsanların öz valyutasını dəyişməsinin inzibati yolla qarşısını almaq mümkün deyil. Bakının hər bir rayonunda ən azı bir neçə valyuta dəyişmə məntəqəsi yaradılmalıdır. Mərkəzi Bank çox riskqli addımlar atır. Real sektora işləmək üçün pul lazımdır lakin Mərkəzi Bank ölkədə manat kütləsini azaltmaqdadır. Azərbaycanın ixracatında neftin payının 95 faiz olması Mərkəzi Bankın səfv siyasətinin nəticəsidir. 2014 cü ilin sonunda bu Bankın valyuta ehtiyatı 17 milyard dollardan 4 milyarda düşüb. 13 milyard dolları Mərkəzi Bank manatın məzənnəsinin qorunması adi ilə havaya xərcləyib. Azərbaycanda verilən ipoteka kasıblar yox, varlılar üçündür. Kommersiya bankları qanunvericilikdə olan boşluqlardan sui-istifadə edir”.