Rusiya Türkiyəni Suriyadakı kürd təşkilatlarını terrorçuluqla mübarizə bəhanəsi altında əzməkdə ittiham edib.
Xarici işlər naziri Sergei Lavrov martın 23-də bildirib ki, Rusiya 2015-ci ilin sentyabrında Suriyada hərbi 
əməliyyatlara başladıqdan sonra Türkiyə-Suriya sərhədi vasitəsilə qanunsuz neft daşınması kəskin azalıb.
Lavrov “İslam Dövləti” qrupunun Suriyaya keçməsinin dayandırılması və bu qrupla neft alverini qadağan edən BMT qətnamələrinə tam əməl etməyə çağırıb.
Türkiyənin hərbi təyyarələri martın 22-də İraqın şimalı və ölkənin cənub-şərqindəki Semdinli şəhəri ətrafında kürd yaraqlılarının mövqelərinə zərbələr endiriblər.
Hədəflər yaraqlıların istifadə etdiyi mağaralar, silah və sursat anbarları olub.
