“Gələcəyə İnam” Ehtiyacı Olan İnsanlara Qayğı İctimai Birliyi Azərbacan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının dəstəyilə həyata keçirdiyi “Sosial Xidmətlərin Təşkilində İctimai İştirakçılığın gücləndirilməsi məqsədilə Palliativ qulluqla bağlı regionlarda məlumatlandırma sessiyalarının təşkili” layihəsi çərçivəsində 16 noyabr 2015-ci ildə Biləsuvar rayonunda ilk məlumatlandırma sessiyasını keçirmişdir.
Qeyd edək ki, layihənin əsas məqsədi regionlarda məlumatlandırma sessiyaları təşkil etməklə sosial xidmətlərin təşkilində palliativ qulluğun ictimaiyyətə çatdırılması vasitəsilə ehtiyacı olanlara yardımın göstərilməsinin inkişiafına nail olmaqdan ibarətdir.
Biləsuvar rayonu 4 nömrəli tam orta məktəbdə təşkli olunan tədbirdə səhiyyə işçiləri, Mədəniyyət sektorunun əməkdaşları, muzey işçiləri, müəllimlər və s. olmaqla otuzdan artıq şəxs iştirak etmişlər. Tədbiri bütün iştirakçıları salamlayan rayon icra hakimiyyətinin məsul işçisi Mirzə Cəfərov açmış, qonaqları salamlamış və görüşün məqsədini açıqlamışdır. Bundan sonra təşkilat sədri Natiq Abdullayev təşkilatın fəaliyyətindən danışdı və layihələrinə dəstək verildiyinə görə Qeyri-Hökumət Təşkilatlarına təşəkkürünü bildirdi. N.Abdullayev daha sonra layihə haqqında geniş məlumat verərək layihənin aktuallığını və yeni təşəbbüs olan palliativ qulluğun zəruriliyini qeyd etdi. Qeyd olundu ki, palliativ qulluq sağalmaz xəstəliklərə düçar olan şəxslərə sosial, psixoloji, mənəvi, hüquqi və s. yardımın göstərilməsidir.
Bundan sonra tədbirin məruzəçisi Rafiq Təmrazov Azərbaycanda “Gələcəyə İnam” Ehtiyacı Olan İnsanlara Qayğı İctimai Birliyi təşkilatının əməkdaşlıq çərçivəsində bu mövzuda layihə icra etdiyini bildirərək palliativ qulluğun xüsusiyyətlərindən danışmazdan öncə ölkədə sosial xidmətlərlə bağlı aparılan islahatlardan danışaraq xüsusilə Sosial Xidmətlər Haqqında qanunun əsas müddəalarını qeyd etdi. R.Təmrazov bildirdi ki, qanunda lazımi müddəalar nəzərdə tutulsa da, həmin qanunun praktiki olaraq işlənməsində hələ problemlər mövcuddur. Daha sonra sağalmaz xəstəiklərin yayılma dərəcəsini və dinamikasını qeyd edən məruzəçi vərəm, HİV+, QİÇS və s. xəstəlikləri yaradan səbəblər haqqında məlumat verdi. Qeyd olundu ki, bu kimi xəstəliklərin genişlənməsinə görə palliativ qulluğun həyata keçiriməsinə ehtiyac vardır. Xüsusilə ölkədə QİÇS-lə mübarizənin güclənməsi, dərman preparatlarla kifayət qədər təminatın olmasına baxmayaraq HİV-ə yoluxan şəxslərin artması məruzəçi tərəfindən qeyd olundu. R.Təmrazov qeyd etdi ki, 2012-ci ildə qeydiyyata alınan HİV-ə yoluxan şəxslərin sayı 3000 ətrafında olsa da, bu ilin əvvəlində bu rəqəm 5000-ə yaxınlaşmışdır.
Bundan sonra söz alan məktəb direktoru Elçin Qəmbərov, Təhsil Şöbəsinin metodisti Elşən Ağazadə, Uşaq Xəstəxanasının həkimi Günel Mustafazadə çıxış etdilər və uşaqların vaxtında müalicəyə aparılmaması, qızların müalicədən yayındırılması və s. kimi problemləri qeyd etdilər və təklif etdilər ki, bu cür tədbirlər gələcəkdə orta məktəblərdə keçirilməlidir. Tədbir qarşlıqlı diskussiya şəklində başa çatdı.