“Onların ideologiyaları cəfəngiyyat üzərində qurulub”.
“İslam Dövləti” (İŞİD) yaraqlıları İslamı ləkələyir, onların ideologiyaları cəfəngiyyat üzərində qurulub.
Xebername.info, RİA Novosti-yə istinadən xəbər verir ki, bu barədə Rusiya prezidenti Vladimir Putin Moskva məscidinin açılışı mərasimində bəyan edib.
“Dini hissləri siyasi məqsədlərlə istifadə etmək cəhdləri göstərilir. Biz Yaxın Şərqdə nə baş verdiyini görürük, “İslam Dövləti” adlanan qurumun yaraqlıları böyük dini ləkələyir, İslama kölgə salır, insanları, o cümlədən din xadimlərini qətlə yetirirlər, dünya mədəniyyət abidələrini barbarcasına məhv edirlər.
Onların ideologiyaları cəfəngiyyat, açıq şəkildə İslamdan uzaqlaşdırılmaq üzərində qurulub”, – o deyib.
Mətləb BALAKİŞİYEV
