Ötən gün Ermənistan silahlı qüvvələrinin Füzulinin Alxanlı kəndini artilleriya atəşinə tutması nəticəsində həlak olan mülki sakinlərin-2 yaşlı Zəhranın və onun nənəsinin meyitlərinin yeni fotoları yayılıb. “Trend” agentliyinin yaydığı fotolara əsasən erməni vəhşiliyinin yeni qurbanları çoxsaylı qəlpə yaraları alıblar.
Bu kadrlar başda Serj Sərkisyan olmaqla ermənilərin 1992-ci ilin fevralında Xocalıda törətdikləri vəhşilikləri bir daha yada salır. Sərkisyan və onun əli qanlı rejimi o vaxtdan bəri heç dəyişməyib, onlar yenə də təkcə bir səbəbə-azərbaycanlı olduqlarına görə qadınları və körpələri öldürməkdən həzz alırlar.
Bu qurbanların fotolarının tirajlanması hansı məqsəd güdür? Bir tərəfdən erməni vəhşiliyinə qurban getmiş, heç bir günahı olmayan insanların, 2 yaşlı körpənin meyitinin dəhşətli kadrlarını yaymaq olduqca ağırdır, sarsıdıcıdır. Lakin bu kadrların yayılması təkcə erməni vəhşiliyinin qurbanlarına görə ağlamaq, sızlamaq məqsədi daşımamalıdır. Bu kadrlar azərbaycanlıları qisasa səsləməlidir.
Elə qisasa ki, ermənilərin sinəsinə bundan daha betər dağ çəkilsin və onlar törətdikləri vəhşiliklərin cavabsız qalacağına arxayınlaşmasın.
Yoxsa 25 ildir qisası alınmayan Xocalı qətliamı kimi bu vəhşilik də erməniləri ruhlandıracaq, onlar Alxanlıda törətdikləri cinayətə dair fotoların yayılmasından qətiyyən narahat olmayacaqlar, əksinə, yeni günahsız qanlar tökməyə həvəslənəcəklər. Sosial şəbəkələrin erməni seqmentində Alxanlı qurbanlarının cəsədlərinin fotolarının altından yazılan şərhlər bunu göstərir və məlum olur ki, ermənilər, hətta erməni anaları 2 yaşlı Zəhranın sarsıdıcı fotolarından xeyli məmnundur. Onlar tökdükləri qandan ruhlanıblar və yeni qanlar tökməyə çağırırlar.
Belə vəziyyətdə Azərbaycanın cavabı soyuqqanlı, eyni zamanda olduqca sərt və sarsıdıcı olmalıdır. Elə cavab ki, nəinki Alxanlıya atəş əmrini vermiş və bu əmri həyata keçirmiş erməni işğalçı qüvvələri mənsubları, eləcə də Azərbaycanın işğal edilmiş ərazilərində qanunsuz məskunlaşıb bu torpaqları sümürən mülki ermənilər qisasın qiyamətə qalmayacağına əmin olsunlar.
Azərbaycan silahlı qüvvələri nəinki təmas xətti boyu, eləcə də təmas xəttindən xeyli aralıda erməni hərbi infrastrukturuna, yaşayış məntəqələrinə sərrast zərbələr endirmək imkanındadır. Və bu imkanları tərəddüd etmədən nümayiş etdirmək lazımdır. Hansı ki, Alxanlıda tökülən günahsız qanlardan hiddətlənən ictimaiyyətin də çağırışı, gözləntisi budur.
Əks halda qurbanların fotolarının tirajlanması ancaq və ancaq onların yaxınlarının əzablarını daha da artırmaqdan başqa heç bir effektə malik olmayacaq. Çünki bu regionda maraqları olan aparıcı beynəlxalq oyunçuları ermənilərin günahsız körpələri, qadınları, qocaları necə öldürdüklərinə dair faktlarla təəcübləndirmək mümkün deyil. Onlara on illərdir kifayət qədər faktlar, dəlillər təqdim olunub, ancaq mövqeləri dəyişməyib.
