İngiltərədə keçən ay tapılan və dünyanın ən qədimi olduğu iddia edilən Qurani Kərim ilə bağlı daha da bir iddia ortaya atıldı. İslamiyyətə qarşı kobud və hörmətsiz səslənən iddiaya görə tapılan ən qədim Quran Həzrət Muhəmməddən (s) daha öncə yazılıb.
Xebername.info, Türkiyə mediasına istinadən xəbər verir ki, İngiltərədəki tarixçi və mütəxəssislər Quranı Kərim səhifələri üzərində apardıqları araşdırmalara görə, sözügedən Quranın Həzrət Muhəmməddən (s) daha əvvəl yazılmış olduğunu söyləyib. Ekspertlərin iddiasına görə Birminqem Quran perqamenti 568 ilə 645 illəri arasında yazılmış Həzrət Məhəmməd (s) isə 571 ilə 632 illəri arasında yaşamışdır. Buna görə sözügedən iddiayada yerləşən perqamentlər Həzrət Muhəmməddən (s) daha qədimdir.
Xatırladaq ki, bir ay əvvəl İngiltərədəki Birminqem Universitetində olan Qurani-Kərim perqamentindən edilən karbon testləri nəticəsində bu kitabın ən qədim Quran hissəsi olduğu iddia edilmişdi.
Xebername.info
