İzmir polisinin sayıqlığı nəticəsində terrorun qarşısı alınmış, iki terrorçu hadisə yerində məhv edilmişdi. Qaçıb aradan çıxan terrorçu isə axşam saatlarında şəhər sakinləri tərəfindən tutularaq polisə təhvil verildi.
Terror aktından iki gün sonra maraqlı faktlar ortaya çıxır. Türkiyə mətbuatının iddiasına görə terrorçuların məqsədi başqa imiş. Verilən xəbərə əsasən bir müddət əvvəl PKK terror qruplaşmasının liderlərindən biri həbs edilmişdi. Yaxın günlərdə onun məhkəməsi baş tutmalı idi. Terrorçular isə məhkəmə binasında saxlanılan ifadə və sübutların olduğu sənədləri məhv etmək üçün binaya hücum planı tərtib ediblər.
